Garte zum Sälberernte
Eis vo dene Härzensprojekt, woni sälber nid so gnau weiss, wo's hifüehrt...
Hättisch du gern dine Salat und dis Gmües erntefrisch vom Feld?
Aber du hesch keis Ziit oder kei Platz zum sälber Pflanze?
Keis Problem! Chum zu mer of's Feld und ernt dis Gmües oder din Salat sälber ond gniess en früsch!
No früscher goht nümme ;-)
Wie's funktioniert
Bim Erdbeerifeld (Standort) heds zwe Reihe mit chli Salat ond Gmües.
Met vöu Liebi ond vo Hand hani dete Salat ond Gmües gsetzt. Dassi dete kei Pflanzeschutzmittel isetze erkennsch am Uchruut wo überall chli wachst ond de nid immer perfekt ussehende Pflanze.
Wie das jetzt funktioniert met em Ernte?
Du gosch eifach verbii, wenns der passt, ond erntisch, of was du Luscht hesch.
Was aktuell in Ernti isch stohd of de Tafele. Ebefalls findsch die Info hier.
Im Gägesatz zum Erdbeerifeld geds do kei Öffnigsziite.
Of de Tafele am Feldrand stohd ebefalls was wie vöu choschted.
Ebefalls findsch du dete e QR-Code zum mir de Betrag Twinte.
Du hesch kei Twint? Denn darfsch du mer de Betrag gern überwiise of's
Konto CH43 0077 8201 6369 2200 3. Oder du chonnsch bi mer verbii ond zahlsch es Bar.
Aktuell im Agebot
Mer händ Winter-Pause...
...scho gli pflanz ich wieder ond denn informier ich dich gern do, was es aktuell so zum Ernte hed...
