Willkomme ofem Erdbeerifeld
Aktuell
Unsere Erdbeersaison ist vorbei!
Wir sind schon wieder am vorbereiten für die Erdbeersaison 2027.
S Erdbeeri Sälberpflücke esch für d Saison 2026 beendet. Es goht wiiter mit Himbeeri zum Sälberpflücke...
PS: Die tägliche Öffnigsziite vom Erdbeerifeld werded ou per Whatsapp-Kanal kommuniziert.
De aktuelli Tagespriis für's Sälberpflücke findsch do.
Möchtisch wüsse, wenns losgoht mit Erdbeeri ernte? Oder was es söscht grad so ged us de Sandmatt Wauwil? Denn träg dich do in Newsletter i!
Öffnigsziite Erdbeerifeld
Mer möchid nome uf, wenns gnueg riifi Beeri hed.
Ob's aktuell riifi Erdbeeri gid, erfahrsch du hier.
Under Umständ verlängered mer ou mal d'Öffnigsziite, ou das erfahrsch du hier.
Ungefähri Öffnigsziite, wenns riifi Erdbeeri hed:
Erfährst du hier kurz vor Saisonstart 2027.
PS: De Standort vom Erdbeerifeld findsch do.
Mer akzeptiere Twint, Bar und EC.
Üse Priis isch nid fix - mer passend ne im Verlauf vor Saison immer weder a.
Aktuelle Tagespriis Erdbeeri Sälberpflückt:
Findest du kurz vor Saisonstart 2027 hier.
Üses Erdbeerifeld
Üsi Erdbeerisetzling bechömed ihres Dehei ide Sandmatt in Wauwil of üsem wunderbare schwarze Moosbode. Sie wärded im Spätsummer mit viel Liebi pflanzt. Sie wachsed met de Blätter dr Sunne entgäge ond mit de Wurzle tüüf i Bode. Scho im Herbst legged sie der Ertrag für's nöchscht Johr a. Denn goht's id Winterpause. Blüehe ond d Frücht bilde düends denn im Früehlig. Ond so abem Juni channsch du mit dinere Familie ond Fründe zu üs ofs Feld die feine Beeri go ernte. Mer freue üs of dech! :-)
Standort vom Erdbeerifeld
Regeln
Pflücke chan mer während de Öffnigsziite.
Bitte eigeti Gschirli mitbringe. Sie wärded bim Igang läär gwoge.
D'Erdbeeri bitte met de grüene Kelchblätter abknipse (am Beschte mit Duume ond Zeigefinger). Wenn die grüene Kelchblätter no dra sind, sind d'Erdbeeri länger haltbar.
Heb Sorg zu üsne liebevoll gsetzte Pflanze. Sie produziered die feine Beeri för dich!
Bitte lueg zu dine Chind, demet ou sie Sorg träged zu üsem Erdbeerifeld ond mer no lang chönd Freud dra ha!
Bitte blib ofem Wäg.
Abfall ghört i Güsu - ned of's Feld.
Danke.
