Of de Suechi nachemne Job?
Ech be emmer froh, om fliessigi Händ wo mitapacked, schlauii Köpf wo mitdänked ond einzigartigi Persönlichkeite wo zum Erfolg ond Glinge vo allne Projekt ide Sandmatt biiträged!
Be mer chasch du zemli flexibel schaffe, so wie's mit dinere Familie oder dim andere Job ufgoht. Du darfsch dini Chind ou mal mitnäh - bi üs herscht en familiäri Atmosphäre. Du darfsch jederziit gueti Idee ibringe, du wirsch in Entscheid mitibezoge ond hesch en abwächslichsriiche Arbeitsalltag.
Möglichkeite zum Mitapacke
MitarbeiterIn
Landwirtschaft
ab 20% - 80% alles möglich
Vorussetzig:
- abgschlossnigs EFZ imne handwerkliche Bruef
- Freud am Ackerbau und a de Spezialkulture
- Bereitschaft im Stall mitzhelfe, solangs no Tier ide Sandmatt hed
ErntehelferIn
temporär (ab Mai)
Mitarbeit bim Beeriernte
Vorussetzig:
- flinki Händ
- wasserfest ond wetterfest
- e gsonde Körper
- du chasch dich in Englisch oder Dütsch mit üs guet verständige
BetriebsmitarbeiterIn
Spezialkulturen und Produkteverarbeitung
meist Vormittags 8-11 Uhr
ab ca. 9h/Wuche
Vorussetzig:
- fliessig
- wetterfest
- Freud ade Arbeit dusse
- kei Angst vor repetitive Arbeite
- körperlich fit
- einigermasse flexibel
- du schaffsch so, wie's i dine Alltag mit Chind, Hund oder Partner ie passt ;-)
- du wirsch nach Möglichkeite dine Fähigkeite entsprechend igsetzt
Wetsch en Teil vo üsem Team wärde?
Denn mäld dich unverbindlich bi de Antonia - per E-Mail (antoniamuller(at)hotmail.com) oder per Telefon/Whatsapp (null siebe nün, sächs sächs zwöi, vier zwöi, acht drü).
Ech freue mich, dich kennezlehre!