Gmüesfeld

Regelmässig früsche Solot ond Gmües us de Sandmatt?

Finsch du einersiits im Hoflade vor Ort.

Oder du machsch es Abo: und du chansch 24h sälber go ernte was du grad bruchsch.

Alternativ geds regelmässig unregelmässig Gmüeskistli zum bstelle.

Abo - "All inclusive Lösig"

Du chansch für dich ond dine Hushalt fürne fixe Betrag pro Monet so vöu vo folgende Lebensmittel ernte, resp hei näh, wie du benötigsch:

- Sämtlichi apflanzte Gmües ond Salat

- Härdöpfu

- Chrüter und Blueme

- Erdbeeri und Himbeeri

- Mehl (Dinkel, Wiismehl, Ruchmehl), Chernotto & Dinkelflöckli

Baumnüss, wiiteri Frücht, Spargle, Rhabarbere und alli wiitere Beeri nach Absprach.

Koste pro erwachseni Person je Hushalt ond Monet: 100 Fr
Koste pro Chind je Hushalt je nach Alter (50-80Fr)

De Lebensmittelbezug per Abo wird jewiils für d'Saison per Vertrag greglet und erneueret sich nid automatisch.

Interesse amne Abo? Meld di per Kontaktformular (oder Telefon oder E-Mail bi mer)

Gmües-Chischtli - flexibel & spontan

Regelmässig unregelmässige, je nach Ziit ond Verfüegbarkeit vo Gmües, chasch du Gmüeschischtli per Whatsapp-Channel bstelle.

Du weisch vorus was im Gmüeschischtli isch ond wases choschted. Möglichi Abholtermine werded zäme mit em Agebot im Whatsapp-Channel Gemüsefeld pupliziert. Wettisch du lieber es persönlichs Whatsapp mit em wüchentliche Gmüeschischtli-Agebot becho? Oder nutzisch du Whatsapp nid? Denn meld dich via Kontaktformular, E-Mail oder Telefon bi mer!

sandmatt.wauwil(a)gmail.com

null sieben neun/sechs sechs zwei, vier zwei, acht drei