Willkomme ofem Himbeerifeld
Aktuell
Die erschte Himbeeri sind riif.
Himbeeri sälberpflücke isch möglich am:
Mittwoch 9.Juli 2025 8.00-11.00 Uhr
Samstag 12.Juli 2025 8.00-11.00 Uhr
Standort für Parkplätz findsch do.
Vo de Parkplätz us werd de Wäg usgschilderet.
Wenn mir s nöchscht Mal ufdüend, weissi nonid. Das werd denn ou weder do stoh ond per Whatsapp-Kanal verkündet!
Wötsch wiiterhi Himbeeri-und Sandmatt-News nid verpasse? Denn träg di i in Newsletter vor Sandmatt, und ich informiere dech per Mail, wenns die erschte rote Himbeeri gid...
Öffnigsziite Himbeerifeld
Öffnigsziite vom Himbeerifeld werded täglich do ufgschalted ;-)
Wenn gern informiert werde möchtisch, wenn die erschte Himbeeri riif sind, denn träg dich in Newsletter vo de Sandmatt i.
Aktuelle Tagespriis Himbeeri Sälberpflückt:
2.80 Fr/100g
Mer akzeptiere Twint, Bar und EC.
Standort Parkplatz Himbeerifeld
Vom Parkplatz her isches e chline Spaziergang zum Himbeerifeld. Eifach de Wegwiiser folge...
Regeln
Pflücke chan mer während de Öffnigsziite.
Bitte eigeti Gschirli mitbringe. Sie wärded bim Igang läär gwoge.
Bitte i dene Reihe pflücke wo dir zuegwiese wärded.
Heb Sorg zu üsne liebevoll gsetzte Pflanze. Sie produziered die feine Beeri för dich!
Bitte lueg zu dine Chind, demet ou sie Sorg träged zu üsem Himbeerifeld ond mer no lang chönd Freud dra ha!
Bitte blib ofem Wäg.
Abfall ghört i Güsu - ned of's Feld.
Danke.