Aktuell: Mer fönd a met Gmües pflanze...
No hani freii Aboplätz!
Ofem Feld entscheide, welle Solot und welles Gmües hüt bi der ofem Teller landet?
Sälber ernte und ganz früsch gnüsse?
Das wird möglich - abem Früehlig 2025 ide Sandmatt Wauwil mit üsem Gmüesfeld-Abo! Dezue ghört näbem Gmües natürlich üsi Beeri ond sMehl usem Wauwilermoos.
Garte zom Sälberernte
Aktuell im Agebot
Pflanzt isch:
Salat i allne Variatione
Nüsslisalat
Radieschen
Spinat
Kohlrabi
Diverse Zwiebeln
Frühkartoffeln
Gli scho i Bode chunnt:
Blumenkohl
Broccoli
Romanesco
Knackerbsen
Kefen
Erbsli
Es paar wenigi Rüebli für dChind zum uszupfe.
Echli später im Johr geds de no:
Tomaten
Auberginen
Gurken
Zucchetti
Peperoni
Süessmais
Bohnen
Kürbisse und Pattinson
Randen
Lauch
Knollensellerie
Stangensellerie
Wirz
Federkohl
Rotkohl und Weisskohl
Und natürlich pflanz ich ou Chrüter ond essbari Blueme, i allne Forme, Farbe ond Düft - lass dich überrasche ;-)
Die grossi Mengi Rüebli sowie Härdöpfu werded vermuetlich uns de nöchschte Nöchi zuekauft und de Abochunde zur Verfüegig gstellt.
Was isch denn alles debii i dem Abo?
Im Abo inbegriffe isch
die Mängi Gmües, Mehl und Beeri, wo ihr i üchem Hushalt bruched.
Das heisst:
alles Gmües, wo ofem Feld als "in Ernte" bezeichnet esch
Dinkelmehl (hell & dunkel & Vollkorn)
Wiismehl
Ruchmehl
Dinkelflöckli
Chernotto
Erdbeeri (ab de Hauptsaison, bis max 500g/Person/Wuche)
Himbeeri oder Brombeeri (bis max 250g/Person/Wuche)
Wenn's gnueg hed, respektive chlini Mengene zum grad schnause: Johannisbeeri, Stachelbeeri, Heidelbeeri, Spargeln, Rhabarbern, Obst.
Hesch du Interesse amne Abo? Oder gids no froge?
Denn mäld dich via Kontaktformular, E-Mail oder Telefon bi mer!
sandmatt.wauwil(a)gmail.com
null siebe nün/sächs sächs zwöi' vier zwöi' acht drü
Kosten
Üses Abo gilted für 1 Erntesaison ond werd pro Tag Erntesaison und pro Anzahl Personen je Hushalt berrechnet.
Erwachseni (ab 16 Jahr): 3.30 Fr/Tag
Kinder (1-15 Jahre): 2.00 Fr/Tag
D.h. wenn üche Hushalt us 2 Erwachsene bestohd, choschted üch das 6.60 Fr/Tag. Send er 2 Erwachseni ond zwöi Chind under 16ni, denn zahled ihr 10.60 Fr/Tag.
D'Rechnig für's Gmües folgt jewiils im vorus und muess spätestens bis Endi vom Vormonet zahlt sii. S'Abo foht a, sobald's gnueg Gmües zum Ernte hed.
Wenn du meh Erdbeeri ärntisch, als das im Abo inbegriffe sind, denn bitte die direkt ade Kasse bim Erdbeerifeld zahle.
Wenn du meh Himbeeri oder Brombeeri erntisch, als das im Abo inbegriffe sind: bitte sälber notiere und spätestens mit de nöchschte Monatsrächnig zahle.
Öffnigsziite
Du darfsch cho ernte, wenn emmer du gnueg Liecht hesch.
Usnahm sind d'Erdbeeri: die dörfsch während de Öffnigsziite vom Erdbeerifeld go pflücke.
Mehl, Flöckli und Chernotto: Bitte dini Bhälter zum Nochefülle platziere, klar beschrifte was du bruchsch, ond mir fülled sie dir innerhalb vo maximal 2 Arbeitstäg weder uf. Denn chasch sie du weder gfüllt mitnäh.
